Ang Nayong Pilipino

                                                   Pagka Pinoy
             

Mga bagay-bagay tungkol sa ating KULTURA, PANINIWALA at PAGPAPAHALAGA sa pagiging mamamayang ng ating bansa.

 KULTURA

 Ang kultura ng Pilipinas o kalinangan ng Pilipinas ay pinaghalong impluwensiya ng mga katutubong tradisyon at mga kultura ng mga unang mangangalakal at mananakop nito noon. Ang pananakop ng mga Kastila sa Pilipinas, sa pamamahala ng Mehiko, na tumagal ng mahigit 333 taon, ay may malaking kontribusyon sa Kultura ng Pilipinas. Ang Wikang Pilipino, na mas kadalasang kilala bilang Tagalog, ay maraming hiniram na salita galing Kastila. Karamihan sa mga pinagdiriwang na mga tradisyon ay magkahalong Kristiyano, Pagano, at iba pang lokal na seremonya. Bilang halimbawa, bawat taon, ang mga bayan sa buong bansa, ay nagsasagawa ng malalaking Pista.

Pagdiriwang ng Pista:

 

Ang pista ay isa sa mga malalaking pagdiriwang na ginugunita bawat taon sa iba’t ibang dako ng Pilipinas. Tampok dito, saan mang lugar sa kapuluan, ang mga makukulay na parada, mga katutubong seremonya, sayawan, paligsahan, at masasaganang handaan. Ang panahon ng kapistahan ay isa rin sa mga pinaka-inaabangang pagdiriwang na patuloy na dinarayo ng mga turista taun-taon. 

PANINIWALA

Madalas na Paniniwala

Sa Kusina:

Bawal kumanta sa harap ng kalan - may masamang mangyayari.

Bawal kumanta sa hapag-kainan – simbolo ng hindi pagrespeto.

Bawal paglaruan ang apoy – maaaring lumabo ang mata.

Hindi dapat makabasag ng pinggan sa araw ng okasyon – ito ay simbolo ng kamalasan.

Sa Kasal:

Bawal isukat ang damit pangkasal – Maaaring hindi matuloy ang kasal

Bawal magkita ang magkapareha bago ang araw ng kasal – maaaring mamatay ang isa sa kanila.

Dapat unahan ng babae ang lalake na lumabas ng simbahan – upang hindi siya maliitin.

Kapag umulan sa araw ng kasal – simbolo ng kaswertehan.

PAGPAPAHALAGA 

ang pagpapahalaga ay isang paraan ng pagmamalasakit sa kapwa natin. kung walang pagpapahalaga na tinatawag, maari ring walang kaayusan ang buhay dito sa mundo. Dahil ang pagpapahalaga ay isang napakahalagang dapat iapply sa buhay ng bawat isa.
Ito ang nakakatulong upang mas lalong isaayos ang buhay ng bawat isa saatin. Ito rin ang nakakatulong upang matuto tayong mas lalong pahalagahan ang isang bagay o tao.